ভাৰতত পঞ্জীয়নভূক্ত যিকোনো প্ৰতিষ্ঠানৰ সৈতে জড়িত বিদেশীসকলৰ বাবে কৰ্মসংস্থান ভিছা প্ৰদান কৰা হয়। কৰ্মসংস্থান ভিছাৰ ম্যাদ চুক্তি সম্পূৰ্ণ হোৱালৈকে থাকে আৰু সাধাৰণতে ইয়াৰ বৈধতা ১ বছৰ হয়। ভিছা সম্প্ৰসাৰণ কাৰ্য্য কেৱল ভাৰততহে হয়। কৰ্মসংস্থান ভিছা একাধিক প্ৰৱেশৰ বিকল্পৰে সৈতে প্ৰদান কৰা হয় যাতে এজন ব্যক্তিয়ে একেখন ভিছাৰ সহায়ত বহুবাৰ ভাৰতত প্ৰৱেশ কৰিব পাৰে।
এফ আৰ অ’ অফিস সমূহে আবেদনসমূহ মূখ্য কাৰ্য্যালয়ত জমা দিয়ে। ভিছা সম্প্ৰসাৰণৰ বাবে আবেদন সমূহ এচ পি, এচ বি, অসম , কাহিলীপাৰা, গুৱাহাটীৰ পৰা সকলো প্ৰয়োজনীয় নথি-পত্ৰ, যেনে- পাচপোৰ্ট, ভিছাৰ সৈতে ৰাজ্য চৰকাৰৰ ওচৰত জমা হয়। পাচপোৰ্টৰ বৈধতা তথা ভিছা মেন্যুৱেল অনুযায়ী ৰাজ্য চৰকাৰে ভিছা সমূহৰ সম্প্ৰসাৰণ কৰে।
কৰ্মসংস্থাপন ভিছাৰ বাবে অধিক জানিবৰ বাবে,http://boi.gov.in/content/employment-visa-e লিংক দৰ্শন কৰিব পাৰে।
প্ৰ-পত্ৰ পূৰণৰ নিৰ্দেশিকাৰ বাবে https://indianvisaonline.gov.in/visa/index.htmlলিংকত ক্লিক কৰক।
সকলো দেশৰ দূতাবাসৰ মূল্যৰ ওপৰত ভিত্তি কৰি কৰ্মসংস্থাপন ভিছাৰ মূল্য বেলেগ বেলেগ হয়। তদুপৰি ভিছাৰ ম্যাদৰ ওপৰত নিৰ্ভৰ কৰিও ভিছাৰ মাচুলৰ পৰিৱৰ্তন হয়।
কৰ্মসংস্থাপন ভিছা দূতাবাস/বাণিজ্যিক দূতাবাসৰ তৰফৰ পৰা ১ বছৰৰ বৈধতাৰ সৈতে প্ৰদান কৰা হয়। এই ভিছাৰ ম্যাদ নিৰ্ভৰ কৰে ভিছা বহনকাৰীজনৰ নিজস্ব দক্ষতা তথা তেওঁক সংস্থাপন দিয়া সংস্থাৰ ওপৰত। প্ৰযুক্তিবিদ এজনৰ বাবে এই ম্যাদ ৩ বছৰৰ পৰা ৫ বছৰ পৰ্যন্ত হ’ব পাৰে। এখন ভিছাৰ দ্বাৰাই একাধিক বাৰ ভ্ৰমণ কৰিব পৰা সুবিধাই এই ভিছাক এক বিশেষ স্থান প্ৰদান কৰে।
আবেদন কৰিব খোজা সকলে boi.gov.in ৱেবচাইট দৰ্শন কৰি অনলাইন প্ৰ-পত্ৰ পূৰণ কৰিব লাগিব আৰু স্থানীয় দূতাবাসত প্ৰ-পত্ৰখন প্ৰয়োজনীয় নথি-পত্ৰৰে সৈতে জমা দিব লাগিব।
অনলাইন আৰু অফলাইন দুইধৰণেই এই সেৱা প্ৰদান কৰা হয়।
প্ৰ-পত্ৰ পূৰণৰ বাবে লিংক পৰিদৰ্শন কৰক।https://indianfrro.gov.in/frro/menufrrodoc.jsp?t4g=4E12FAQO
FRO/FRRO