যদি কোনো এজন বিদেশী নাগৰিক ভাৰতলৈ নিজৰ চিকিৎসাৰ বাবে আহিব খোজে, তেন্তে তেখেতৰ বাবে মেডিকেল ভিছা প্ৰদান কৰা হয়। চিকিৎসা পদ্ধতিৰ প্ৰতি লক্ষ্য ৰাখি এই ভিছা একক বা একাধিক বাৰ প্ৰৱেশযোগ্য কৰি গঠন কৰা হৈছে। ভাৰতৰ উচ্চ কমিচনাৰৰ নিৰ্দেশ মতে প্ৰয়োজনীয় সকলো নথি-পত্ৰৰ উপস্থিতিত এই ভিছা সম্প্ৰসাৰণ কৰিব পাৰি।
এফ আৰ অ’ অফিস সমূহে আবেদনসমূহ মূখ্য কাৰ্য্যালয়ত জমা দিয়ে। ভিছা সম্প্ৰসাৰণৰ বাবে আবেদন সমূহ এচ পি, এচ বি, অসম , কাহিলীপাৰা, গুৱাহাটীৰ পৰা সকলো প্ৰয়োজনীয় নথি-পত্ৰ, যেনে- পাচপোৰ্ট, ভিছাৰ সৈতে ৰাজ্য চৰকাৰৰ ওচৰত জমা হয়। পাচপোৰ্টৰ বৈধতা তথা ভিছা মেন্যুৱেল অনুযায়ী ৰাজ্য চৰকাৰে ভিছা সমূহৰ সম্প্ৰসাৰণ কৰে।
সাধাৰণতে এই ভিছাৰ ম্যাদ ১ বছৰ থাকে কিন্তু চিকিৎসা কালৰ ওপৰত নিৰ্ভৰ কৰি ইয়াৰ বৈধতা বৃদ্ধি হ’ব পাৰে।
আবেদন কৰিব খোজা সকলে boi.gov.in ৱেবচাইট দৰ্শন কৰি অনলাইন প্ৰ-পত্ৰ পূৰণ কৰিব লাগিব আৰু স্থানীয় দূতাবাসত প্ৰ-পত্ৰখন প্ৰয়োজনীয় নথি-পত্ৰৰে সৈতে জমা দিব লাগিব।
অনলাইন আৰু অফলাইন দুইধৰণেই এই সেৱা প্ৰদান কৰা হয়।
প্ৰ-পত্ৰ পূৰণৰ বাবে লিংক পৰিদৰ্শন কৰক।
FRO/FRRO